لافضل تصفح لموقعنا عن طريق فايرفوكس او جوجل كروم
بالنسبة للفيديوهات بالاسفل هل تسمع الصوت ولا ترى الصورة !! شاهد من جوجل كروم اضغط هنا للتحميل او من انترنت اكسبلولر ولو كنت على فايرفوكس اعمل ريفرش وانزل بسرعة لمكان الفيديو سيعمل إن شاء الله
في بعض القنوات والفيديوهات للمشاهدة يجب اولاً الضغط على هذه الصورة
أجدد المواضيع

2011-11-02

وصفات اكلات عيد الاضحى 2011



وصفات اكلات عيد الاضحى 2011

وصفات اكلات شهية لعيد الاضحى 2011 , وصفات أكل عيد الاضحي 2012 , وصفات اكلات اللحوم لعيد الاضحي 2012 , وصفات أكلات اللحم الضاني لعيد الاضحى , اجدد وصفات الاكلات لعيد الاضحى 2011 , طرق اكلات جديدة لعيد الاضحى 2011
( مجموعة من وصفات الاكلات مجمعة من مواقع )

** طريقة عمل بوبيت الكندوز


* المقادير
1/2 كيلو جرام شرائح لحم كندوز متساوية 1/8 كيلو لحم مفروم كندوز أيضا جزرة مقطعة شرائح مثل عود الكبريت ملح وفلفل جوزة الطيب مبشورة بصلة مفرية زيت سمن للتحمير
* الطريقة
تتبل شرائح اللحم بالملح والبهارات وجوزة الطيب
يتبل اللحم المفروم بالبصلة المفرية والبهارات والملح والجزر المفري
تحشي شرائح البوبيت بخليط اللحم المفري وتلف بخيط
تحضر طاسة وتشوح اللحم المحشوة في زيت ذرة « سمن ثم ترص في صينية وتدخل إلي الفرن حتي يكتمل النضج.
و ريش بالخضراوات من الاكلات التي تلقى قبولا حسنا على سفرة عيد الاضحى
* المقادير
12 قطعة ريش ضاني 3 ثمرات جزر مقطعة حلقات ثمرتان كوسة مقطعة مربعات صغيرة بصلتان مقشرتان ومقطعتان إلي جوانح ثمرة طماطم بهارات ملح وفلفل جوزة الطيب مبشورة ملعقتان كبيرتان زيت ذرة سمن
* الطريقة
تتبل الريش بالبهارات وتشوح في طاسة طهو بها زيت ذرة « سمن وتترك علي النار حتي تنضج.
تسلق الخضراوات نصف سلق وتنشل من ماء السلق
تشوح الخضراوات علي طاسة طهو بطريقة السونية وتعمر البصلة وتضاف إلي الخضراوات
ترص الريش وفوقها الخضراوات وتقدم.
رستو لحم العجل
* المقادير
قطعة لحم من الفخذة مشفية من 1 : 5.1 كجم ملح وفلفل أبيض مطحون ملعقة صغيرة مستردة ورق لاورو 8 فصوص ثوم مقشر ومهروس ملعقتان كبيرتان زيت ذرة « سمن بوكية جارنيه مكون من جزرة بصلة عود كرفس طماطم
* الطريقة
تتبل قطع اللحم المشفية بالبهارات والمستردة والملح والفلفل وتلف بشكل اسطواني وتربط بالدوباره جيداً.
تحضر صينية فرن بها زيت ذرة سمن تشوح بها قطعة لحم العجل الاسطوانية حتي يحمر لونها.
تضاف الخضراوات المقطعة وتدخل الفرن لتنضخ مع إضافة قليل من الماء وتغطي الصينية بورق ألومنيوم حتي يكتمل النضج وتقدم.

** طريقة عمل فتة بالخل والثوم



بالخل والثوم؛
المقادير:

• كيلو لحمة ضأن.
• 3 أكواب أرز.
• بصلة كبيرة ومقطعة قطع صغيرة.
• بصلة كبيرة مقسومة نصفين.
• 2 فص حبهان.
• ملعقة قرنفل.
• 6 فصوص ثوم مفرومة.
• 2 رغيف خبز محمص.
• نصف ملعقة صغيرة مبشور جوزة الطيب.
• أعواد قرفة.
• ورق لاورا.
• ملح.
• كوب كبير عصير طماطم.
• ملعقة كبيرة سمن.
• ملعقة كبيرة صلصة طماطم.
• ملعقة خل أبيض.

الطريقة:

1- اسلقي اللحمة الضاني وضيفي إليها عند السلق البصلة المقسومة نصفين وورق اللاورا وفص الحبهان وملعقة القرنفل والملح وسيبيها لغاية ما تستوي.

2- أثناء ما اللحمة بتستوي أحضري الأرز واغسليه، وأحضري صينية متوسطة الحجم وحطيها على النار وحطي فيها ملعقة ونصف سمنة، وضيفي إليها الأرز وقلبيه على النار لمدة خمس دقائق، بعد كده أحضري ماء وضيفي إليه شوية ملح وضيفيه للأرز وسيبي الأرز على نار هادية لغاية ما يستوي مع التقليب من وقت للتاني.

3- أثناء ما الأرز بيستوي أحضري بصلة وقطعيها قطع صغيرة وحمّريها في السمنة لغاية ما تلاقي لونها بقى أصفر، ضيفي إليها الثوم مع التقليب لمدة خمس دقائق، بعد كده ضيفي إليهم كوب عصير الطماطم والصلصة ومعلقة الخل وسيبيهم على نار هادئة لمدة 10 دقائق، بعد مرور عشر دقائق ضيفي إليهم كوب من الشوربة وقطع اللحمة وسيبيهم على النار لمدة ربع ساعة.

4- أحضري صينية وقطعي فيها الخبز المحمص، وضيفي إليه شوربة اللحمة وسيبيهم لمدة عشر دقائق علشان العيش يتشرّب من الشوربة.

5- أحضري طبق كبير وحطي فيه الأرز والخبز ومن فوقهم الصلصة واللحمة... واوعي تأكلي صوابعك وراها.


** طريقة عمل بيكاتا بتلو



* المقادير
1/2 كيلو جرام قطع متساوية من فخذ البتلو ملعقة كبيرة مقدونس مفري بيضتان 1/4 كيلو جبن رومي مبشور فلفل ملح سمن زيت ذرة للقلي
* الطريقة
تتبل شرائح البتلو بالبهارات والدقيق والملح
يخلط الجبن المبشور مع البيض المخفوق والمقدونس المفري
تغمس شرائح البيكاتا في خليط البيض والجبن والمقدونس وتقلي علي نار هادئة متوسطة حتي تنضح البيكاتا ويحمر لونها ويصير ذهبياً وتقدم.
وممكن ايضا ان تقومي باعداد نيفا الماعز ضمن الاكلات في عيد الاضحى
* المقادير
كتفان من الماعز أو كتف ضأن صغير مشفي جاهز كوب زبادي وقليل من الماء معلقة خل أبيض 1/2 معلقة زعتر 8 فصوص ثوم مهروس بصلة مبشورة بهارات معلقتا سمن فلفل أبيض 1/4 معلقة صغيرة كزبرة يابسة
* الطريقة
تتبل كتف الماعز باللبن والزبادي والبهارات والبصل والثوم والزعتر والملح وتترك لمدة أربع ساعات.
تحضر صينية فرن وبها سمن ويشوح بها كتف الماعز المتبل حتي يحمر ويضاف اليه بعض الخضراوات المقطعة ويدخل الفرن ويلاحظ إضافة قليل من الماء إذا لزم الأمر وتغطية الصينية بورق الومنيوم حتي يكتمل النضج وتقطع أكتاف الماعز إلي قطع متوسطة.
تحضر طاسة تحمير وبها سمن وتشوح فيها قطع النيفا وتقدم

** طريقة عمل كفتة بقري بالمقدونس


* المقادير
3/4 كجم لحم بقري مقطع 1/2 ملعقة صغيرة مسحوق الكمون ومثلها شطة حزمة مقدونس بصلتان 1/2 ملعقة صغيرة فلفل أبيض
* الطريقة
تقشر البصلة وتقطع وتضاف إلي قطع اللحم وأوراق المقدونس والبهارات والملح ويفرم اللحم مرتين بالماكينة.
تكور قطع اللحم باليد وتشكل أصابع علي أسياخ خشبية وترص في صينية وتدخل الفرن حتي يكتمل نضجها



** طريقة عمل كبسة باللحمة والأرز



أما لو كنتِ عايزة تاكلي فتة على الطريقة السعودي؛ يبقى عليكِ وعلى الكبسة السعودي.. ودي طريقتها..

الطريقة:

• كيلو لحمة ضاني مقطعة قطعا متوسطة الحجم.
• 3 حبات بصل مقطعة شرائح.
• 4 أكواب أرز بسمتي.
• 5 أكواب ماء.
• ربع كوب زيت ذرة.
• 3 ثمرات طماطم مقطعة قطعا صغيرة.
• ورق لاورا.
• 3 حبات حبهان.
• 3 أعواد قرفة "متوفر عند العطار".
• ملح وفلفل وبهارات.
• حبات ليمون ناشف "متوفر عند العطار".
• مكسرات محمرة "اختياري".

الطريقة:

1- سخني الزيت في حلة وضيفي إليه البصل وقلّبيه على النار لمدة عشر دقائق أو لغاية ما تلاقي إن البصل لونه بقى أصفر، ضيفي إليه اللحمة والليمون الناشف والبهارات وورق اللورا والحبهان وأعواد القرفة والملح والفلفل والطماطم وقلبيهم كلهم مع بعض على النار لمدة عشر دقائق أو لغاية ما تلاقي إن اللحمة لونها أتغيّر من اللون الأحمر إلى اللون البني.

2- لما تلاقي إن اللحمة لونها بقى بني ضيفي إليها كوب كبيرة من الماء، وسيبيها على نار هادية لمدة ساعة أو لغاية ما اللحمة تستوي.

3- بعد ما اللحمة تستوي أحضري الأرز واغسليه وبعد كده أحضري الصينية اللي هتعملي فيها الأرز وحطي فيها ملعقة ونصف سمنة، وبعد كده ضيفي إليها الأرز وقلبيه على النار لمدة خمس دقائق بعد كده ضيفي إليها شوربة اللحمة.

4- أحضري طبق كبير وحطي فيه الأرز ومن فوقه قطع اللحمة، والمكسرات المحمرة.. وبألف هنا وشفا.

بعد ما عرفنا أكتر من طريقة لعمل الفتة، تعالوا دلوقتي نعرف أكثر من طريقة لعمل طبق الغذاء في العيد...


** طريقة مشويات مشكلة



دي أحسن طريقة ممكن إنك تعمليها علشان تحصلي على طبق مشوي مشكل في منتهى الجمال..

المقادير:

• كيلو لحم ضأن مقطعة قطعا متوسطة الحجم.
• كيلو لحم ضأن مفرومة.
• كيلو ريش ضاني.
• 5 بصلات مقطعة مفرومة.
• نصف حزمة بقدونس مقطعة قطع صغيرة جدا.
• ملح وفلفل وبهارات لحمة.
• 5 حبات فلفل أخضر.
• 5 بصلات صغيرة الحجم.
• 5 حبات طماطم متوسطة الحجم.
• شرائح ليمون "للتزيين".
• أوراق بقدونس "للتزيين".

- أحضري البصل وقطعيه قطعا صغيرة جدا وبعد كده ضيفي إليه الملح والفلفل والبهارات واضربيهم كلهم مع بعض في الخلاط.

2- أحضري حلة كبيرة وحطي فيها نصف مقدار البصل اللي عندك وضيفي إليه كيلو اللحم الضأن والريش وقلبيهم كلهم مع بعض كويس، دخلي الحلة في التلاجة لمدة 5 ساعات علشان اللحمة تتبل كويس.

3- أحضري حلة تانية وحطي فيها الكمية المتبقية من البصل وضيفي إليها البقدونس واللحمة المفرومة وقلبيهم كلهم مع بعضهم كويس.

4- أحضري أسياخ معدنية وابدئي في تشكيل اللحمة المفرومة على شكل أصابع حوال الأسياخ، بس خدي بالك إنك تضغطي عليها كويس علشان ما فيش حاجة تفك منك أثناء الشواء.

5- أحضري الشواية اللي عندك سواء كانت بالكهرباء أو بالفحم وابدئي في وضع أسياخ الكفتة عليها مع مراعاة التقليب بين الحين والآخر.

6- أحضري مجموعة أسياخ أخرى وابدئي في تدخيل قطع اللحم الضاني فيها والريش ضاني، وحطيها على الشواية مع مراعاة التقليب من الوقت للآخر.

7- بعد ما تخلصي شواء اللحمة أشوي الطماطم والفلفل والبصل.

8- جهزي طبق التقديم وزيّنيه بأوراق البقدونس وشرائح الليمون ورصي فيها المشويات... وبألف هنا وشفا.


** طريقة عمل ريش ضأن محشية سبانخ وطماطم



دي طريقة جديدة لعمل الريش الضأن في العيد ممكن إنك تجربيها وتقولي لنا على رأيك...

المقادير:

• كيلو ريش ضأني.
• كوب سبانخ مفرومة.
• نصف كوب طمامم مقطعة قطعا صغيرة.
• 1 حبة جزر مبشورة.
• 3حبات بطاطس.
• 5 فصوص ثوم مفرومين.
• ملعقة كبيرة مرامية "متوفر عند العطار".
• ملعقة كبيرة روزماري "متوفر عند العطار".
• ربع كوب زيت ذرة.
• ملعقة كبيرة خل.
• ملح وفلفل.

الطريقة

1- اخلطي السبانخ مع الطماطم والجزر ونصف كمية الثوم والروز ماري والمرامية والملح والفلفل وقلبيهم كلهم مع بعض كويس.

2- أحضري الريش وابدئي في عمل تجويف بداخلها باستخدام السكينة، واحشيها بالخليط السابق، واربطيها في النهاية كلها مع بعضها بخيط سميك.

3- أحضري البطاطس وقطعيها قطع متوسطة الحجم، وأحضري صينية وحطي فيها الزيت وضيفي إليه الكمية المتبقية من الثوم والأعشاب وقلبيهم مع بعض لمدة ثلاث دقائق، وبعد كده ضيفي إليهم البطاطس والريش والخل وقلبيهم كلهم مع بعض لمدة خمس دقائق.

4- أحضري صينية فرن وحطي فيها الريش والبطاطس ودخليهم الفرن لمدة نص ساعة أو لغاية لما الريش تستوي.

5- جهزي طبق التقديم وحطي فيه الريش... وبألف هنا وشفا


ليست هناك تعليقات:

إرسال تعليق